काठमाडौं- नबिल बैंकले एक्वायर गर्न लागेको नेपाल बंगलादेश बैंकले ६ महिनामा ८१ करोड ११ लाख रूपैयाँ नाफा गरेको छ।
चालु आर्थिक वर्ष २०७८/०७९ को साउनदेखि पुस मसान्तसम्म गरेका नाफा गत आवको सोही अवधिको भन्दा १३ करोड रूपैयाँ कम हो। यसैगरी प्रतिसेयर आम्दानी पनि घटेको छ।
गत पुस मसान्तसम्म २२.१६ रूपैयाँ रहेको प्रतिसेयर आम्दानी यो वर्ष १६.०९ सीमित भएको छ। यस्तै पीई रेसियो २४.८ रहेको बैंकले जनाएको छ जुन अघिल्लो आवको पुस मसान्तभन्दा दोब्बर हो। बैंकको प्रतिसेयर नेटवर्थ १५७.१८ रूपैयाँ छ।
