काठमाडौं- सानिमा बैंकले चालु आर्थिक वर्षको पुस मसान्तसम्ममा १ अर्ब ७ करोड ७० लाख रुपैयाँ  नाफा कमाएको छ। गत आर्थिक वर्षको सोही अवधिको तुलनामा यो नाफा १.३४ प्रतिशत बढी हो। 

यो अवधिसम्ममा बैंकको वितरण योग्य मुनाफा ५७ करोड ८२ लाख रुपैयाँ रहेको छ। नाफा बढेपनि बैंकको प्रतिसेयर आम्दानी अर्थात ईपीएस भने घटेको छ। 

समीक्षा अवधिमा बैंकको यस्तो आम्दानी २२.२ रुपैयाँबाट घटेर १९.२ रुपैयाँमा झरेको छ।

सो अवधिसम्ममा बैंकको मुल्य आम्दानी अनुपात २०.१९ गुणा रहेको छ भने प्रतिशेयर नेटवर्थ १४०.२ रुपैयाँ रहेको छ। बैंकको निक्षेप १२.५४ प्रतिशत घटेको छ भने कर्जा १४.१३ प्रतिशत बढेको छ।