काठमाडौं- भारतीय स्थल सेनाध्यक्ष जनरल उपेन्द्र द्विवेदीले मुक्तिनाथ मन्दिरको दर्शन गरेका छन्। उनले शनिबार र पश्चिम पृतना हे.क्वा.को भ्रमण पनि गरेका हुन्। 

नेपालको औपचारिक भ्रमणमा रहनु भएका मित्रराष्ट्र भारतका स्थल सेनाध्यक्ष जनरल उपेन्द्र द्विवेदीले शनिबार मुस्ताङ जिल्ला स्थित मुक्तिनाथ मन्दिरको भ्रमण गरेको नेपाली सेनाले जनाएको छ।

सो अवसरमा उनले मुक्तिनाथ मन्दिरमा पूजा अर्चनासमेत गरेको नेपाली सेनाले विज्ञप्ती मार्फत जानकारी दिएको छ। 

शनिबार नै भारतीय स्थल सेनाध्यक्ष जनरल द्विवेदीले पोखरा स्थित पश्चिम पृतना हेडक्वाटरको भ्रमण गरेका छन्।

उनलाई पृतनापति उपरथी सन्तोष बल्लभ पौडेलले पश्चिम पृतनामा स्वागत गरेका थिए।