काठमाडौं- नेपालको पहिलोपटक सार्वभौम साख मूल्यांकन (सोभरेन क्रेडिट रेटिङ) भएको छ। रेटिङ एजेन्सी फिचले नेपालको सार्वभौम साख मूल्यांकन गरेको हो।
फिचले नेपालको रेटिङका बारेमा प्रकाशन गरेको विवरणअनुसार वैदेशिक ऋण सुविधाजनक अवस्थामा रहेको उल्लेख गरिएको छ। ऋणको अवस्था चिन्ताजनक नभए पनि संरचनागत अवस्था भने कमजोर रहेको उल्लेख गरिएको छ।
कमजोर संरचनाका कारणले ऋणको परिचालन हुनुपर्नेजति र हुनुपर्ने जसरी नभएको फिचले उल्लेख गरेको छ।
तर आन्तरिक वित्तीय स्रोतको अवस्था भने जोखिमोन्मुख रहेको उल्लेख गरिएको छ। फिचले नेपालमा ऋणको परिचालनको अनुपातमा र अन्य स्रोतको परिचालन अनुसार राजस्वको स्रोतमा विस्तार नभएको उल्लेख गरेको छ।
कमजोर राजस्व संकलन तथा बढ्दो खर्चका कारणले ढुकुटी जीडीपीको ३ प्रतिशतले नोक्सानीमा गएको उल्लेख गरिएको छ।
तर राजनीतिक अस्थिरता तथा नीतिगत सुधारमा भएको ढिलाइले आर्थिक गति सुस्त देखिएको छ। नेपाली अर्थतन्त्रको अवस्था जोखिमा पनि नजाने र अघि बढ्न नसक्ने अवस्थामा रहेको छ।
फिचले नेपाललाई ‘डबल बी माइनस’ रेटिङ दिएको छ।
