.jpg)
.gif)
.gif)
काठमाडौं- चेक बाउन्स मुद्दामा कैदसहित जरिवाना फैसला सुनाइएका काभ्रेपलाञ्चोकको तेमाल घर भइ हाल काठमाडौं महानगरपालिका-४ बस्ने सत्यमान लामालाई प्रहरीले पक्राउ गरेको छ।
जिल्ला अदालत काठमाडौंले विसं २०८० चैत २७ गते दुई वर्ष कैद र ३० लाख बिगो तथा ३० लाख रूपैयाँ जरिवाना सजाय हुने फैसला गरेपछि फरार रहेका लामालाई पक्राउ गरिएको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक नवराज अधिकारीले जानकारी दिए।
.gif)
उनले भने, 'लामालाई हामीले पक्राउ गरेका छौँ, सजाय भुक्तानीका लागि अदालतमा उपस्थित गराएर कारागार पठाइने छ।'
.gif)
.jpg)
पक्राउ परेका लामा बुद्धचित्त र रक्तचन्दन व्यापारमा पनि मुछिएका तथा विसं २०७५ मा किसानको बुद्धचित्त लुटपाट गरेको आरोपमा पनि उनी पक्राउ परेको प्रहरीले जनाएको छ। रासस
