काठमाडौं- निजी हवाई सेवा प्रदायक कम्पनीहरुले आन्तरिक हवाई उडानमा एन्टिजेन परीक्षण सम्भव नभएको भन्दै कार्यान्वयन नगर्ने निर्णय गरेका छन्।
वायुसेवा सञ्चालक संघले बुधबार विज्ञप्ति जारी गर्दै अन्य स्वास्थ्यसँग सम्बन्धित मापदण्ड पालन गर्ने निर्णय गरेपनि एन्टिजेन परीक्षण नगर्ने बताएको हो। संघले जारी गरेको विज्ञप्तिमा एन्जिटने लागू नगर्ने गरी अन्य विषय मात्रै समावेश गरिएको छ।
संघले सबै यात्रुलाई मास्क तथा फेससिल्ड अनिवार्य गर्ने, हवाईजहाज भित्र सेनिटाइजरको व्यवस्था गर्नु पर्ने, प्रत्येक उडानपछि हवाई जहाज र व्यागेज निसङ्क्रमित गर्नु पर्ने र चेक-इन, बोडिङ, व्यागेज क्लेम गर्ने स्थान तथा प्रतिक्षालयमा भिडभाड हुन नदिने र जनस्वास्थ्यका मापदण्ड लागु गर्ने जनाएको छ।
