काठमाडौं- मंसिरसम्म शैक्षिक प्रमाणपत्र धितो राखेर ऋण लिन पाइने सुविधा १५० जनाले मात्र उपयोग गरेका छन्। 

नेपाल राष्ट्र बैंकको तथ्यांक अनुसार मंसिरसम्म जम्मा १५० जनाले शैक्षिक बेरोजगार कर्जा  स्वीकृति पाएका छन्। १५० जनाले ६ करोड ३७ लाख ८८ हजार ऋण स्वीकृति पाएका छन्। 

सरकारले विभिन्न शीर्षकमा जाने कर्जामा ब्याज अनुदान दिँदै आएको छ। नेपाल राष्ट्र बैंकको सहुलियतपूर्ण कर्जाका लागि व्याज अनुदान सम्बन्धी एकीकृत कार्यविधि अनुसार दिइने यस्तो ऋणमा १० शीर्षक छन्। 

मंसिरसम्मको तथ्यांक अनुसार सबैभन्दा धेरै व्यावसायिक कृषिका लागि ऋण स्वीकृत भएको छ। यो शीर्षकमा १ खर्ब ३३ अर्ब १८ करोड ऋण स्वीकृत भएको छ। 

हालसम्म कूल २ खर्ब ११ अर्ब सहुलियतपूर्ण ऋण स्वीकृत भएको छ। यो बीचमा सरकारले ११ अर्ब १५ करोड व्याज अनुदान दिएको छ।