काठमाडौं- कोरोना संक्रमण फैलिने क्रम बढ्दो छ। नेपालमा अहिले कोरोनाको डेल्टा र ओमिक्रोन भेरियन्टका संक्रमितहरू भेटिएका छन्। जसमा ओमिक्रोनको संक्रमण फैलँदो देखिएको छ।
स्वास्थ्य तथा जनसंख्या मन्त्रालयका अनुसार मंगलबार कुल परीक्षणको ४४.९३ प्रतिशतमा कोरोना देखिएको छ। मंगलबार २२ हजार ८ सय २८ जनाको कोरोना परीक्षण भएको थियो। जसमा १० हजार २ सय ५८ जनामा कोरोना संक्रमण देखा परेको हो।
मंगलबार १७ हजार ८ सय ७२ जनोको पीसीआर परीक्षण भएकोमा ८ हजार ७ सय ३० जनाको कोरोना संक्रमण देखिएको छ।
यसैगरी ४ हजार ९ सय ५६ जनाको एन्टिजेन परीक्षणमा १ हजार ५ सय २८ जनाको कोरोना देखिएको छ। सोमबारको तुलनामा मंगलबार ६ प्रतिशतले कोरोना बढको हो। सोमबार १ जनाले कोरोनाका कारण ज्यान गुमाएका छन्। योसँगै नेपालमा सक्रिय संक्रमितको संख्या ३९ हजार ४४ पुगेको छ।
साथै २४ घण्टामा २ लाख १३ हजार १ सय ४८ जनाले कोभिडबिरूद्धको खोप लगाएका छन्।
