सप्तरी- राजविराजस्थित यातायात व्यवस्था सेवा कार्यालयले आर्थिक वर्ष २०८१/८२ को तीन महिनामा दुई करोड रूपैयाँभन्दा बढी राजस्व संकलन गरेको छ। 

सवारीसाधन कर, नयाँ सवारी दर्ता, नवीकरण तथा सवारी चालक अनुमतिपत्र जारीबाट आव २०८१/८२ को साउनदेखि असोजसम्ममा दुई करोड १४ लाख ६ हजार एकसय २० रूपैयाँ राजस्व संकलन भएको कार्यालय प्रमुख कामेश्वर रोहिताले बताए।

सवारीसाधन करबाट एक करोड ३६ लाख पाँच हजार पाँचसय २५ रूपैयाँ, यातायात क्षेत्रको आम्दानीबाट ६५ हजार नौसय १० रूपैयाँ र सवारी दर्ता किताबापत २५ लाख ४३ हजार एकसय ८५ रूपैयाँ राजस्व संकलन भएको छ।

सवारी चालक अनुमतिपत्र बापत ९१ लाख ९१ हजार पाँचसय रूपैयाँ राजस्व संकलन भएको छ।

विसं २०७९ साउन ३१ गते सेवा प्रारम्भ भएको उक्त कार्यालयबाट आव २०८०/८१ मा १३ करोड ८५ लाख ५८ हजार एकसय ५१ रूपैयाँ राजस्व संकलन भएको थियो भने २०७९/८० मा सात करोड ५६ लाख २५ हजार चारसय ७५ रूपैयाँ संकलन भएको थियो। रासस