.gif)
.gif)
काठमाडौं- चालु वर्षको पहिलो छ महिनामा चार वर्ष यताकै न्यून पुँजीगत खर्च भयो। राजस्व संकलन पनि लक्ष्य अनुसार उठाउन सकेन। तर अर्थमन्त्रालयले भने तलब भत्ता जस्ता अनिवार्य सरकारी खर्च बढेकोमा खुसीयाली व्यक्त गरेको छ।
साेमबार एक प्रेस विज्ञप्ति जारी गर्दै अर्थले विकास खर्च नबढेपनि राजस्व संकलन बढेको भन्दै सन्तोष व्यक्त गरेको हो।
'सरकारको समग्र आम्दानी तथा खर्चको पछिल्लो तीन वर्षको अर्धवार्षिक तथ्यांक हेर्दा आम्दानीतर्फ क्रमशः धनात्मक अवस्था देखिएको छ' विज्ञप्तिमा उल्लेख गरिएको छ।
यसको अर्थ सरकारले खर्चभन्दा आम्दानी धेरै गरेको भन्दै खुसीयाली व्यक्त गरेको हो। तर सरकारले यहीबीचमा लिएको आन्तरिक ऋण तथा विदेशी ऋणले गर्दा धनात्मक भएको कुरा भने उल्लेख गरेको छैन।
यो वर्षको पुस मसान्तसम्म चालु खर्च ३८.१३ प्रतिशत रहेकोमा वित्तीय खर्च २६.१२ प्रतिशत रहेको छ ।
