काठमाडौं- कोरोना संक्रमण फैलिने क्रम बढ्दो देखिएको छ। नेपालमा अहिले कोरोनाको डेल्टा र ओमिक्रोन भेरियन्टका संक्रमितहरू भेटिएका छन्। जसमा ओमिक्रोनको संक्रमण फैलँदो देखिएको छ।
स्वास्थ्य तथा जनसंख्या मन्त्रालयका अनुसार आइतबार कुल परीक्षणको ३२.७८ प्रतिशतमा कोरोना देखिएको छ। आइतबार १५ हजार १ सय ३१ जनाको कोरोना परीक्षण भएको थियो। जसमा ४ हजार ९ सय ६१ जनामा कोरोना संक्रमण देखा परेको हो।
आइतबार १२ हजार ५ सय ६२ जनोको पीसीआर परीक्षण भएकोमा ४ हजार ५ सय ३४ जनाको कोरोना संक्रमण देखिएको छ।
यसैगरी २ हजार ५ सय ६९ जनाको एन्टिजेन परीक्षणमा ४ सय २७ जनाको कोरोना देखिएको छ। शनिबारको तुलनामा आइतबार १ प्रतिशतले कोरोना बढको हो। आइतबार ३ जनाले कोरोनाका कारण ज्यान गुमाएका छन्। योसँगै नेपालमा अब सक्रिय संकमितको संख्या २५ हजार ६ सय ८० पुगेको छ।
साथै २४ घण्टामा ५४ हजार ३ सय १२ जनाले कोभिडविरूद्धको खोप लगाएका छन्।
