काठमाडौं- लाइफ इन्स्योरेन्स कर्पोरेसन (एलआइसी) नेपालले हकप्रद सेयर निष्कासन प्रयोजनका लागि बुक क्लोजको समय तोकेको छ।
कम्पनीले कात्तिक ९ गते बुक क्लोज तोकेको हो। बुक क्लोजअघि कात्तिक ८ गतेसम्म कायम सेयरधनीले मात्रै कम्पनीको हकप्रद सेयरमा आवेदन दिन पाउनेछन्।
एलआइसीले चुक्ता पुँजीको १ः०.८८ अनुपातमा २ करोड ३४ लाख ६८ हजार कित्ता हकप्रद सेयर निष्कासन गर्दैछ। कम्पनीको दोस्रो बजारमा मंगलबार प्रतिकित्ता २१०१ रुपैयाँमा कारोबार भएको छ।
नेपाल धितोपत्र बोर्डले असोज १४ गते हकप्रद सेयर निष्कासनको स्वीकृति दिएको थियो।
कम्पनीको हाल चुक्ता पुँजी २ अर्ब ६५ करोड ३२ लाख रुपैयाँ छ। नेपाल बीमा प्राधिकरणले लाइफ इन्स्योरेन्सको चुक्ता पुँजी ५ अर्ब रुपैयाँ तोकेको छ।
