काठमाडौं- कोरोना संक्रमण फैलिने क्रम बढ्दो देखिएको छ। नेपालमा अहिले कोरोनाको डेल्टा र ओमिक्रोन भेरियन्टका संक्रमितहरू भेटिएका छन्। जसमा ओमिक्रोनको संक्रमण फैलँदो देखिएको छ।
स्वास्थ्य तथा जनसंख्या मन्त्रालयका अनुसार शनिबार कुल परीक्षणको ३१.८४ प्रतिशमा कोरोना देखिएको छ। शनिबार १४ हजार ५ सय ५६ जनाको कोरोना परीक्षण भएको थियो। जसमा ४ हजार ६ सय ३६ जनामा कोरोना संक्रमण देखा परेको हो।
शनिबार १० हजार ४ सय १२ जनोको पीसीआर परीक्षण भएकोमा ३ हजार ७ सय ३ जनाको कोरोना संक्रमण देखिएको छ। यसैगरी ४ हजार १ सय ४४ जनाको एन्टिजेन परीक्षणमा ९ सय ३३ जनाको कोरोना देखिएको छ। शुक्रबारकाे तुलनामा शनिबार ७ प्रतिशतले कोरोना बढकाे हाे। शुक्रबार २० हजारभन्दा बढीकाे परीक्षण भएकाे थियाे।
शनिबार परीक्षण संख्या पनि घटेकाे हाे। शनिबार ४ जनाले कोरोनाका कारण ज्यान गुमाएका छन्। योसँगै नेपालमा अब सक्रिय संकमितको संख्या २१ हजार ५ सय ८४ पुगेको छ।
साथै २४ घण्टामा ४ लाख ३५ हजार १ सय ९३ जनाले कोभिडविरूद्धको खोप लगाएका छन्।