काठमाडौं- नेपाल बंगलादेश (एनबी) बैंकलाई प्राप्ति गर्ने सम्झौता गरेको नबिल बैंकको साधारणभा शुक्रबार सम्पन्न भएको छ। बैंकको साधारणसभाले सेयरधनीलाई ३८ प्रतिशत लाभांश दिने प्रस्ताव पारित गरेको छ।
बैंकको ३७ औँ वार्षिक साधारणसभा आर्थिक वर्ष २०७७/७८ को मुनाफाबाट ३८ प्रतिशत लाभांश ३३.६० सेयर र ४.४० नगद लाभांश वितरण गर्ने प्रस्ताव पारित गरेको हो। प्रस्तावित बोनस सेयर पश्चात बैंकको चुक्ता पुँजी १८ अर्ब ४९ करोड ६१ लाख ८६ हजार ७ सय ४५ पुगेको छ।
आजै सम्पन्न बैंक संचालक समितिको ५८८ औँ वैठकले संचालक समितिको अध्यक्षमा पुन: उपेन्द्र प्रसाद पौडेललाई चयन गरेको छ।
बैंकले स्थापनाकालदेखि हालसम्म १६ अर्बभन्दा बढी रकम देशको राजस्वमा योगदान गरिसकेको समेत जनाएको छ। नबिल बैंकले १३५ वटा शाखाहरु, १८७ वटा एटिएम र १५०० भन्दा बढी नबिल रेमिट एजेन्ट काउन्टरहरु रहेका छन्।
