काठमाडौं- कोरोना संक्रमण फैलिने क्रम बढ्दो देखिएको छ। नेपालमा अहिले कोरोनाको डेल्टा र ओमिक्रोन भेरियन्टका संक्रमितहरू भेटिएका छन्। जसमा ओमिक्रोनको संक्रमण फैलँदो देखिएको छ।
स्वास्थ्य तथा जनसंख्या मन्त्रालयका अनुसार शुक्रबार कुल परीक्षणको २४.४७ प्रतिशमा कोरोना देखिएको छ। शुक्रबार २० हजार ५ सय ६० जनाको कोरोना परीक्षण भएको थियो। जसमा ५ हजार ८७ जनामा कोरोना देखा परेको हो।
शुक्रबार १३ हजार ४ सय ७४ जनोको पीसीआर परीक्षण भएकोमा ४ हजार २ सय ४ जनाको कोरोना देखिएको छ। यसैगरी ७ हजार ८६ जनाको एन्टिजेन परीक्षणमा ८ सय ८३ जनाको कोरोना देखिएको छ।
शुक्रकबार ३ जनाले कोरोनाका कारण ज्यान गुमाएका छन्। यो सँगै नेपालमा अब सक्रिय संकमितको संख्या १८ हजार २ सय ३५ पुगेको छ।साथै २४ घण्टामा ३ लाख २० हजार २ सय ६७ जनाले कोरोना खोप लगाएका छन्।
