काठमाडौं- सिभिल बैंकले ११ औँ साधारणसभाबाट मर्ज वा एक्विजिसनमा जाने प्रस्ताव पारित गरेको छ। जसका लागि सभाले सञ्चालक समितिलाई जिम्मा दिने प्रस्तावसमेत परित गरेको छ।
सिभिलसँग कुन बैंक मर्जर वा एक्विजिसनमा जान्छ भन्ने चासो लगानीकर्तामा रहेको छ। सिभिल बैंकलाई मर्जर भाँडिएको हिमालयन बैंकको समेत प्रस्ताव आएको छ। सिभिलले निरन्तर अन्य बैंकसँग पनि छलफल गरिरहेको छ।
शुक्रबार हिमालयनको साधारणसभामा नेपाल इनभेष्टमेन्ट बैंकसँग १० महिना अगाडि मर्जरमा जाने प्रस्ताव अस्वीकृत भएको छ। योसँगै हिमालयन बैंकले अन्य वित्तीय संस्था खोज्ने छ। जसमा सिभिलसमेत हुनसक्ने चर्चा चलेको छ।
शुक्रबार सम्पन्न सिभिलको साधारणसभाले सेयरधनीलाई लाभांश दिने प्रस्तावसमेत पारित गरेको छ। सिभिल बैंकले गत आर्थिक वर्षको नाफाबाट ५.२६ प्रतिशत लाभांश दिने प्रस्तावसमेत पारित गरेको छ। ५ प्रतिशत बोनस सेयर र ०.२६ प्रतिशत कर प्रयोजनका लागि नगद लाभांश दिने प्रस्तावसमेत साधारणसभाले पास गरेको छ।
