काठमाडौं- सिप्रदीयन सहायता संस्था तथा सिप्रदी अटोपार्टस प्रालिले उपत्यकाको खोला किनारमा ज्याला मजदुरी गर्दै आइरहेका बाढीपीडित मेकानिकहरुलाई दैनिक उपभोग्य सामग्रीहरु तथा खाद्यान्न सहयोग प्रदान गरेको छ।
सिप्रदी कम्पनीजको सामाजिक उत्तरदायी संस्थाका प्रतिनिधिहरुको उपस्थितिमा २६ घरधुरीलाई सिरक, डस्ना र सिरानी एक-एक वटा, १ बोरा चामल, ३ किलो दाल, १ लिटर तेल तथा अन्य खाद्य तथा घरायसी सामाग्रीहरु राहतस्वरुप वितरण गरिएको हो।
पछिल्लो निरन्तरको मनसुनी वर्षाका कारण आएको बाढी तथा पहिरोले नेपालका विभिन्न भू-भागमा बसोबास गरिरहेका व्यक्तिहरुको जनजीवन प्रभावित भएको छ भने कैयौँ घरबारविहीन भएका छन्।
सिप्रदीयन सहायता संस्थाले त्यस्ता प्रभावित क्षेत्रहरुमा विभिन्न किसिमका अत्यावश्यक वस्तुहरु राहतस्वरुप वितरण गर्दै आइरहेको जानकारी दिएको छ।
