काठमाडौं- नबिल बैंकले नेपाल बंगलादेश बैंकलाई गाभ्ने सैद्धान्तिक सम्झौतामा हस्ताक्षर भएको छ। 

सम्झौतामा हस्ताक्षर भएसँगै नबिलका प्रमुख कार्यकारी अधिकृत (सीईओ) अनिलकेशरी शाह ले यो सम्झौता ऐतिहासिक कोशेढुंगा भएको बताए। 

शाहले यो सम्झौतासँगै नबिल बैंक बैंकिङ क्षेत्रकै लिडर बन्ने बताए। 

'नेपाल बंगलादेश बैंकलाई प्राप्ति गर्ने यो सम्झौता ऐतिहासिक कोशेढुङगा हो। यो संस्थागत साझेदारीले सञ्जाल, ब्यालेन्ससिटको आकार, टिमका सवालमा यसले एउटा ठूलै फड्को मार्ने छ। फेरि पनि बैंकिङ क्षेत्रको लिडर बन्ने छ' उनले भने। 

बैंकको पुँजीमात्र होइन, सञ्जाल, वित्तीय पहुँच, काम गर्ने ऊर्जाशील टिमका हिसाबले पनि नबिल निरन्तर अब्बल हुने उनको भनाइ छ।