काठमाडौं- स्वास्थ्य तथा जनसंख्या मन्त्रालयका अनुसार बिहीबार देशभर ३ लाख ५६ हजार जनाले कोरोनाविरूद्धको खोप लगाएका छन्।
सरकारले माघ ३ गतेबाट सरकारी कार्यालयबाट सेवा लिनदेखि जहाज चढ्नसम्मका लागि खोप कार्ड अनिवार्य गर्दै छ। जसका कारण खोप लगाउनको संख्या बढेको छ।
योसँगै नेपालमा कम्तिमा एक मात्रा खोप लगाउनेको संख्या १ करोड ५४ लाख ६४ हजार ३ सय ३५ जना भएका छन्। यसैगरी पूर्ण मात्रामा खोप लगाउनको संख्या १ करोड १६ लाख ९१ हजार ३ सय ९३ जना पुगेका छन्।
अहिलेसम्म नेपालले २ करोड ७१ लाख ५५ हजार ७ सय २८ मात्रा खोप प्रयोगमा ल्याएको छ। नेपालमा अहिलेसम्म ३ करोड ९२ लाख ३ हजार ९ सय २७ मात्रा खोप आइसेको छ।
अहिलेसम्म नेपालको कुल जनसंख्याको ३८.५ प्रतिशतले पूर्ण खोप लगाएका छन् भने ५०.९ प्रतिशतले एक मात्रा खोप लगाइसेका छन्।
