.jpg)
.gif)
.gif)
काठमाडौं- नागढुंगानजिकै झ्याप्लेखोलामा गएको पहिरोमा थप एउटा बस पुरिएको अवस्थामा फेला परेको छ। पुरिएको अवस्थामा फेला परेको बसको नम्बर खुल्न सकेको छैन।
अहिले डोजरको साहयताले पुरिएको बस निकाल्ने प्रयास भइरहको प्रहरीले जनाएको छ। शुक्रबार बिहान ७ बजे गोरखाको लापुबेसीबाट काठमाडौंका लागि छुटेको ना ४ ख २२७० नम्बरको बस तीन दिनदेखि सम्पर्कविहीन रहेको दरौँदी यातायात प्रालिले जनाएको छ। झ्याप्लेखोलामा देखिएको बस त्यही हुनसक्ने आशंका गरिएको छ।
.gif)
यातायात समितिका अध्यक्ष नारायण खत्रीका अनुसार शुक्रबार राति १० बजे काठमाडौंनजिक खानीखोलासम्म सम्पर्क भएको र त्यसपछि सम्पर्कबाहिर रहेको छ।
.gif)
.jpg)
झ्याप्लेखोलामा गएको पहिरोमा बसको केही भाग मात्र देखिएकाले विस्तृतमा पुष्टि हुन सकेको छैन। बसमा कति यात्रु थिए भन्ने यकिन भएको छैन। त्यहाँ अरू पनि सवारीसाधन हुनसक्ने आशंका प्रहरीले गरेको छ।
