काठमाडौं- अविरल वर्षाका कारण आएको बाढीपहिरोमा परी काठमाडौं उपत्यकामा मात्रै ३२ जनाले ज्यान गुमाएका छन्।

पछिल्लो १:५५ सम्मको अपडेटअनुसार अविरल वर्षाले निम्त्याएको बाढीपहिरोलगायत विपत्तिमा परी अहिलेसम्म काठमाडौंमा ११, ललितपुरमा १६ र भक्तपुरमा ५ जनाको ज्यान गुमाएका हुन्।

यस्तै काठमाडौंमा १०, भक्तपुरमा २ र ललितपुरमा ५ गरी उपत्यकामा १७ जना घाइते भएका छन् भने १२ जना बेपत्ता भएका छन्। यस्तै एक हजार ५३ जनाको उद्धार गरिएको छ।

अविरलको वर्षाले काठमाडौंमा चारवटा घर भत्किएको छ भने भक्तपुरमा एउटा घरमा क्षति पुगेको छ।

काठमाडौंमा मात्रै एक हजार २ सय ४४ घर डुबानमा परेका छन्।

उद्धार तथा विपद् प्रतिकार्यका लागि काठमाडौं उपत्यकामा ४ हजार पाँचसय १० सुरक्षाकर्मी परिचालित छन्।