काठमाडौं- लगानीकर्ताको मनोबल उच्च हुन थालेपछि सेयर बजार लगातार बढ्न थालेको छ। केही सातायता सेयर बजार बढ्ने ट्रेन्डमा देखिएको छ।
यो साता पनि आइतबारदेखि मंगलबारसम्म लगातार बढेको सेयर बजारमा बुधबार मात्रै केही करेक्सन आएको थियो। तर साताको अन्तिम दिन बिहीबार पुन सेयर बजारमा उछाल आएको छ। बिहीबार हाइड्रोको सेयरमा लगनीकर्ता झुम्मिएका छन्।
बजार बिहीबार ५४.१२ अंकले बढेर २८५७.७५ बिन्दुमा पुगेको हो। बिहीबार १ करोड १८ लाख कित्ता सेयर किनबेच हुँदा ६ अर्ब ६६ करोड ९७ लाख रूपैयाँको कारोबार भएको छ।
यसअघि आइतबार ७३.०५ अंकले बढेको बजार सोमबार १९.३४ अंकले बढेको थियो। मंगलबार ४९.१९ अंकले बढेर २८३४.१३ अंक पुगेको थियो। बुधबार भने ३०.५१ अंकले घटेर २८०३.६२ बिन्दुमा झरेको थियो। बुधबार १ करोड ६१ लाख कित्ता सेयर कारोबार हुँदा ८ अर्ब ३३ लाख रूपैयाँको कारोबार भएको थियो। झन्डै दुई साता अगाडिदेखि बढिरहेको सेयर बजार बढिरहेको छ।
बिश्लेषकहरूले बजार ३२ सय भन्दा माथी बताइरहदाँ बजार लगातार बढिरहेको छ। बैंकमा तरलता संकट हट्न थालेसंगै सेयर बजारमा पनि उकालो यात्रामा लागेको हो। विश्लेषकहरूले नयाँ बुल सुरु भएको संकेत समेत गरेका छन्।
बैंकलाई तिर्ने किस्ता र ब्याजको दबाबबीच पुस अन्तिम साता सेयर बजार लगातार उकालो लागेको थियो। बैंकमा लगानीयोग्य रकम बढ्न थालेपछि सेयर बजारमा प्रभाव परेको छ।
