काठमाडौं- कोरोना संक्रमितको संख्या दिनदिनै बढ्दो छ। बुधबार मात्रै कुल परीक्षणको २३ प्रतिशतमा कोरोना संक्रमण देखिएको छ। मंगलबार भने कुल परीक्षणको १६ प्रतिशतमा कोरोना संक्रमण देखिएको थियो।
बुधबार सार्वजनिक तथ्यांकमा १३ हजार ३६ जनाको कोरोना परीक्षण हुँदा ३ हजार ७५ जनामा कोरोना देखिएको हो। मंगलबार भने १५ हजार ३३ जना कोरोना परीक्षण हँदा २ हजार २ सय ४४ जनामा कोराना देखिएको थियो।
स्वास्थ्य तथा जनसंख्या मन्त्रालयका अनुसार २४ घण्टामा ९ हजार ५१ जनाको पीसीआर र ३ हजार ९ सय ८५ जनाको एन्टीजेन परीक्षण भएको छ। साथै बुधबार २ लाख १४ हजार ५७ जनाले खोप लगाएका छन्। २४ घण्टामा कोरोनाका कारण २ जनाको मृत्यु भएको छ।
मंगलबार भने १ लाख ८० हजार ४ सय ५७ जनाले खोप लगाएका थिए।
