.gif)
.gif)
काठमाडौं- वैदेशिक रोजगारमा आकर्षक तलबको प्रलोभनमा पारी दुबई, अल्बानियालगायतका देश पठाइदिन्छु भन्दै रकम ठगी गरेको अभियोगमा २ जनालाई प्रहरीले पक्राउ गरेको छ।
काठमाडौंको नागार्जुन बस्ने स्याङ्जाका २८ वर्षीय राजन अर्याल र भक्तपुर, मध्यपुरथिमी बस्ने झापाका ४६ वर्षीय जय नारायण राजवंशीलाई प्रहरीले ठगी अभियोगमा पक्राउ गरेको हो।
पक्राउ परेका राजनले एकजना पीडितबाट ३ लाख रूपैयाँ र जय नारायणले एकजना पीडितबाट ५ लाख ५० हजार रूपैयाँ लिइ सम्पर्कविहीन भएको भन्ने पीडितको उजुरीको आधारमा उनीहरु पक्राउ परेका हुन्।
उनीहरूलाई आवश्यक अनुसन्धान तथा कारबाहीको लागि वैदेशिक रोजगार विभाग ताहाचल पठाइएको प्रहरीले जनाएको छ।
