काठमाडौं- सरकारले हुलाक महसुल दर बढाएको छ। हुलाक सेवा ऐनले दिएको अधिकार प्रयोग गर्दै सरकारले महसुल बढाएको हो।
सरकारले माघ १ गतेदेखि लागू हुनेगरि महसुल बढाउने निर्णय गरेको छ।
सरकारले प्राय सबै प्रकारका सेवाको महसुल दर बढाएको छ। आन्तरिक हुलाकबाट पहिलोपटक चिठी पठाउँदा पहिले ८ रुपैयाँ रहेकोमा अब १० रुपैयाँ हुने छ। दोस्रोपटक पठाउँदाको महसुल भने ५ रुपैयाँ नै कायम छ।
त्यस्तै आन्तरिकमा हवाइ पत्र पठाउँदा लाग्ने शुल्क ५ बाट १० रुपैयाँ प्रस्ताव गरिएको छ भने छापा पत्र ७ बाट १० पुर्याइएको छ।
पोष्ट बक्स शुल्क भने यथावत रहेको छ।
त्यस्तै सतह डाँक सेवाको मूल्य ३० बाट २ सय पुर्याइएको छ । यसमा २ किलोग्रामबाट न्यूनतम तौल सुरु हुन्छ। त्यसपछि प्रत्येक पाँच सय किलोग्राममा ५० रुपैयाँ लाग्ने छ। यसमा पहिले ३० रुपैयाँ थियो।
त्यस्तै हवाइ डाँक सेवा २ किलोग्रामसम्म २३० रुपैयाँ लाग्ने छ।
