काठमाडौं- नेपाली बजारमा लगातार दुई दिन सुनको मूल्यमा रेकर्ड कायम भएको छ। शुक्रबार रेकर्ड मूल्यमा कारोबार भएको सुन आइतबार पनि शुक्रबारको रेकर्ड तोडेर नयाँ मूल्यमा पुगेको हो। 

शुक्रबार नेपाली बजारमा सुन प्रतितोला १ लाख ५६ हजार ३ सय रूपैयाँमा कारोबार भएको थियो। आइतबार सुन प्रतितोला ५ सय रुपैयाँ बढेर १ लाख ५६ हजार ८ सय रूपैयाँ पुगेको छ। 

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ५६ हजार आठ सय रूपैयाँमा कारोबार भइरहेको छ। 

त्यस्तै शुक्रबारको तुलनामा आइतबार चाँदीको मूल्य पनि बढेको छ। आइतबारका लागि चाँदीको मूल्य प्रतितोला १ हजार ९ सय रूपैयाँ कायम भएको छ। 

शुक्रबार चाँदी प्रतितोला १ हजार १ सय ६० रूपैयाँमा कारोबार भएको थियो। यो मूल्य अघिल्लो दिनको तुलनामा प्रतितोला ४० रूपैयाँ बढेको हो।

अन्तर्राष्ट्रिय बजारमा सुनको मूल्यले नयाँ रेकर्ड बनाइरहेकाले त्यसको प्रभाव नेपाली बजारमा पनि देखिएको हो।