काठमाडौं- उपत्यकामा कोभिड-१९ को संक्रमण बढ्दै गएको भन्दै सार्वजनिक स्थलमा मास्क अनिवार्य प्रयोग गर्न आग्रह गरिएको छ। 

जिल्ला प्रशासन कार्यालय काठमाडौं, ललितपुर र भक्तपुरको बैठकले कोभिड-१९ को संक्रमण बढ्दै गएको भन्दै सार्वजनिक स्थलमा मास्क अनिवार्य प्रयोग गर्न अनुरोध गरेको हो।

प्रशासनले मंगलबार राति १२ बजेदेखि अर्को सूचना जारी नहुन्जेलसम्म घरबाहिर वा सार्वजनिक स्थलमा निस्किँदा सबैले मास्कको प्रयोग अनिवार्य गर्नुपर्ने, धेरै मानिस जम्मा हुने कामहरू नगर्न, अत्यावश्यक काममा प्रशासनको अनुमति लिनुपर्नेलगायत १८ बुँदे नयाँ जारी गरेको हो। उपत्यकाका तीनै जिल्लामा उही आदेश जारी भएको हो। 

कोरोना सम्बन्धी आदेश प्रभावकारी पालना गराउन सुरक्षा निकायबाट आकस्मिक तथा नियमित अनुगमन गरिने जनाइएको छ। अनुगमनमा अवज्ञा गरेको पाइएमा सङ्क्रामक ऐन, २०२० अनुसार कारबाही गरिने चेतावनी दिइएको छ।

यस्तै औषधिलगायत अत्यावश्यक वस्तुको कृत्रिम अभाव सिर्जना गर्ने, मूल्य बढाउने तथा कालोबजारी गर्ने तथा आपूर्तिमा अवरोध गर्नेलाई कानुनबमोजिम कारबाही गरिने आदेशमा उल्लेख छ।

यस्ता छन् आदेश-