काठमाडौं- गोर्खाज फाइनान्सको सेयरमा अत्याधिक कारोबार भएको छ। मंगलबार कारोबार सुरु भएको ३ घन्टामै १२ करोड ७० लाखको कारोबार भएको छ। जसमा गोर्खाजको १ लाख ४८ हजार ९ सय २ कित्ता सेयर कारोबार भएको छ। 

सेयरधनीलाई पाँच वर्षपछि लाभांश दिने हल्ला चलेसँगै सेयर कारोबारमा व्यापक उतारचढाव भएको छ। मंगलबार २ बजेसम्म ९ सय रुपैयाँमा कारोबार भएको छ। फाइनान्सको सेयर मूल्य सोमबारभन्दा ६८ रुपैयाँले बढीसकेको छ। 

खासै नाफा नकमाएको र लाभांशसमेत नदिएको कम्पनीमा पछिल्लो समय लगानीकर्ता झुम्मिएका छन्। खासगरी फाइनान्सले आर्थिक वर्ष २०७१/७२ यता लाभांश दिएको छैन। २०७१/७२ मा फाइनान्सले सेयरधनीलाई ७ प्रतिशत मात्रै लाभांश दिएको थियो। 

गत वर्ष र चालु आर्थिक वर्षको पहिलो तीन महिनामा भने फाइनान्सले नाफामा उल्लेख्य सुधार गरेको छ। चालु वर्षको पहिलो तीन महिनामा भने १६ करोड ५० लाख नाफा कमाइसकेको छ। भने प्रतिसेयर आम्दानी समेत ९ रुपैयाँ पुर्‍याएको छ। तर पनि ५२ हप्ता अगाडि १८० रुपैयाँ प्रतिकित्तामा कारोबार भएको फाइन्नासको सेयर मूल्य १५०० सम्म पुगेको थियो। 

फाइनान्सका जनताको ३४ लाख ७१ हजार ९७४ कित्ता साधारण सेयर आईपीओ जारी गरेको थियो। भने ५२ लाख ७९ हजार ६३ कित्ता भने संस्थापक सेयर लगानीकर्ताको हिस्सा रहेको छ।