काठमाडौं- थाई स्माइल एयरले बैंकक-काठमाडौं उडान गर्ने भएको छ। 

काठमाडौंमा उडान गर्दै आएको माउ कम्पनी थाई एयरवेजले उडान बन्द गरेपछि स्माइलले उडान गर्ने भएको हो। 

थाई स्माइलले फेब्रुअरी दोस्रो सातादेखि काठमाडौंमा उडान गर्ने तयारी गरेको छ। यो एयरलाइन्सले नेपालका लागि जीएसएमा सोसाइटी इन्टरनेसनल ट्राभल सर्भिसलाई नियुक्त गरेको हो। 

सन् १९६८ देखि उडान गर्दै आएको थाइ एयरवेजले कोरोना सुरु भए लगत्तै काठमाडौं उडान बन्द गरेको थियो।

थाई स्माइल पनि थाइ एयरवेज इन्टरनेसलनै सहायक कम्पनी हो। विशेषगरी क्षेत्रीय उडान सेवा दिँदै आएको स्माइलले काठमाडौं उडान गर्ने भएको हो।