काठमाडौं- नेपाल पर्यटन बोर्डको प्रमुख कार्यकारी अधिकृत (सीईओ)मा दीपकराज जोशी नियुक्त भएका छन्।
यसअघि सीईओ छनौट तथा सिफारिसका लागि गठन भएको समितिले आजै तीन जनाको नाम सिफारिस गरेको थियो। समितिले निवर्तमान सीईओ डा. धनञ्जय रेग्मी, पूर्वसीईओ दीपकराज जोशी र ज्ञानेश्वरसिंह महतोको नाम सिफारिस गरेको थियो।
तीन जनामध्येबाट बोर्डले जोशीलाई नियुक्त गरेको हो। नियुक्त भएलगत्तै जोशीले बिजनेस न्युजसँग भने, 'परिस्थितिअनुकूल स्रोत सुनिश्चितता र स्रोतको व्यवस्थापन गरेर अगाडि बढ्ने चुनौती रहेको छ। सबैको साथ र सहयोगमा म यो चुनौतीलाई चिरेर अघि बढ्ने छु।'
तत्कालीन सीईओ धन्ञ्जय रेग्मीको कार्यकाल २०८० माघ १४ मा सकिएपछि बोर्ड सीइओविहीन थियो।
जोशी यसअघि २०१५ को डिसेम्बरदेखि २०१९ को डिसेम्बरसम्म पनि बोर्डको सीईओ रहेका थिए।
