काठमाडौं- सुपरमाइ हाइड्रोपावरले लाभांश घोषणा गरेको छ। कम्पनीले सेयरधनीलाई ७ प्रतिशत बोनस सेयर र ५.६३ प्रतिशत नगद लाभांशसहित १२.६३ प्रतिशत लाभांश दिने घोषणा गरेको हो।
सोमबार बसेको बोर्ड बैठकले ३ करोड ५० लाख बराबरको बोनस सेयर र ५.६३ प्रतिशत अर्थात २ करोड ८१ लाख रुपैयाँ बराबरको नगद लाभांश सेयरधनीलाई दिने निर्णय गरेको हो।
साधारण सभाबाट पारित भएपछि लाभांश वितरण गर्नेसमेत कम्पनीले घोषणा गरेको छ। दोस्रो बजारमा कम्पनीको सेयर मूल्य प्रतिकित्ता ११ सय ८४ रुपैयाँ रहेको छ।
