काठमाडौं- कोभिड-१९ संक्रमण रोकथामका लागि आइतबार बसेको 'कोभिड-१९ संकट व्यवस्थापन समन्वय केन्द्र' (सीसीएमसी)ले माघ ३ गतेदेखि सरकारी कार्यालयमा प्रवेशका लागि खोप कार्ड अनिवार्य देखाउनुपर्ने निर्णय गरे‍को छ। 

सरकारी कार्यालयसँगै फिल्म हल, रंगशाला, पार्क, होटल रेष्टुरेन्टमा प्रवेशका लागि पनि खोप कार्ड अनिवार्य गरिएको सीसीएमसीकी प्रवक्ता सुनिता नेपालले जानकारी दिएकी छिन्। 

यसका साथै २५ जनाभन्दा बढी भेला हुन नपाउने नियमसमेत ल्याइएको छ। 

कोभिड संक्रमण बढिरहँदा सरकारले स्मार्ट लकडाउन सुरु गरेको हो। 

गएको २४ घण्टामा ११६७ जनामा कोरोना भाइरसको संक्रमण पुष्टि भएसँगै यस्तो निर्णय आएको हो। 

स्वास्थ्य तथा जनसंख्या मन्त्रालयका अनुसार देशभरमा १२ हजार ६३२ नमुना परीक्षण गर्दा ११६७ जनामा संक्रमण पुष्टि भएको हो।संक्रमितमध्ये ६१५ जना काठमाडौं उपत्यकाका छन् । काठमाडौंमा ४९१, ललितपुरमा ९९ र भक्तपुरमा २५ जना छन्।