काठमाडौं- नेपाल आयल निगमले इन्धनको मूल्य घटाएको छ।

शनिबार इन्डियन आयल कर्पोरेसनबाट प्राप्त नयाँ खरिद मूल्यअनुसार निगम सञ्चालक समितिको बैठकले मूल्य घटाउने निर्णय गरेको हो।

निगमले १२ बजेदेखि लागु हुनेगरी पेट्रोल प्रतिलिटर २ तथा डिजेल र मट्टितेलमा प्रतिलिटर १ रुपैयाँले घटाएको हो।

अब काठमाडौं उपत्यकामा पेट्रोल लिटरको १ सय ६३ तथा डिजेल र मट्टितेल लिटर१ सय ५४ रूपैयाँमा पाइने छ।

यस्तै आन्तरिक हवाई इन्धनतर्फ प्रतिलिटर ५ तथा अन्तर्राष्ट्रिय हवाई इन्धनतर्फ प्रतिकिलोलिटर अमेरिकी डलर ३७ ले घटाई बिक्री मूल्य कायम गरिएको निगमले जनाएको छ।

यता खाना पकाउने ग्यासको मूल्य हाललाई यथावत राखिएको निगमले उल्लेख गरेको छ।