काठमाडौं- वाणिज्य, आपूर्ति तथा उपभोक्ता संरक्षण विभागले १ लाख २० हजार केलो स्टोर भएको गोदामका सिलबन्दी गरेको छ।
विभागको अनुगन टोलीले रानी सती इन्टरनेशनल प्रालिको नैकापस्थित गोदाममा सिलबन्दी गरेको हो।
विभागले गोदाममा चिनी खरिद गर्न आएको गाडी चेक जाँच गर्दा सो गाडीमा यसा सप्लायर्स कुलेश्वरले जारी गरेको बिक्री बिलसमेत भेटिएको जनाएको छ।
विभागका अनुसार थप सोधपुछ गर्दा रानी सतीले यसा सप्लायर्सलाई चिनी बेचेको र सप्लायर्सले गौतम स्वीटको नाममा बिल जारी गरेकोसमेत पाइएको विभागको भनाइ छ।
उक्त कार्य मूल्य वृद्धि गर्ने आशयले गरिएको आशंका लागेको हुँदा थप यकिन र अनुसन्धान गर्न रानी सतीको नैकापस्थित गोदाममा रहेको चिनी सिलबन्दी गरिएको विभागले जनाएको छ।
चाडपर्व नजिकिएसँगै विभागले अनुगमनलाई तीव्र बनाएसँगै संकास्पद सामान बरामद गरेर अनुसन्धान थालेको छ।
