काठमाडौं- यामाहाले नाडा अटो शो २०२४ मा नयाँ मोटरसाइकल ल्याएको छ। काठमाडौंको भृकुटीमण्डपमा जारी नाडा अटो शोमा यामाहाले थाइल्यान्डमा बनेको डब्लूआर १५५ एडभेन्चर मोटरसाइकल सार्वजनिक गरेर बिक्री सुरु गरेको हो।
यामाहाको नेपालका लागि आधिकारिक बिक्रेता एमएडब्लू राइडले प्रिमियम डिजाइन र विशेषतासहित डब्लूआर १५५ नेपालमा बिक्री सुरु गरेको छ।
यामाहा डब्लूआर १५५ आर अफरोड एडभेन्चर सेगमेन्टमा गेम चेन्जर बन्ने मोटरसाइकल हो। १५५ सीसी लिक्विड कुल्ड इन्जिन भएको यो मोटरसाइकलले अधिकतम १६.५ बीएचपी र १४.३ एनएम टर्क उत्पन्न पर्छ।
यामाहाको डब्लूआरसी मोटरसाइकलबाट प्रभावित मानिएको डब्लूआर १५५ को तौल निकै कम छ। साथै एडजस्टेबल सस्पेन्सन, डुअल च्यानल एबीएस र आधुनिक डिजिटल इन्स्ट्रुमेन्ट क्लस्टरलगायत विशेषताले मोटरसाइलकलाई लक्जरियस र सुरक्षित बनाएको छ। उक्त विशेषताका कारण यसलाई सहरी राइडरहरू र अफरोड एडभेन्चर दुवैका लागि उपयुक्त मोटरसाइकल सावित हुनेछ।
यामाहा मोटरसाइकल यसको डिजाइन, टेक्नोलोजी, स्टेबलिटी र राइड अनुभवका लागि नेपाली उपभोक्तामाझ लामो समयदेखि परिचित छ। साहसिक र दक्ष नेपाली बाइकिङ उत्साहितहरूलाई नेपालको पहाडी भूभाग र अन्य जुनसुकै अफ रोडमा पूर्णनियन्त्रण र सुरक्षित रुपमा यामाहाका मोटरसाइल चलाउन सकिन्छ।
यही कुरा यामाहा डब्लूआर १५५ मा पनि लागु हुन्छ। वास्तवमै एडभेन्चर सेगमेन्टमा यामाहाको यो मोटरसाइकल नेपाली बजारमा बलियो प्रतिस्पर्धीका रुपमा उपस्थित भएको छ।
यामाहा डब्लूआर १५५ आरको स्लीक डिजाइन र अत्याधुनिक प्रविधिबाट अटो शो अबलोकन गर्नेहरु प्रभावित देखिएका छन्। कम्पनीले यसको मूल्य ७ लाख ४९ हजार ९ सय रुपैयाँ तोकेको छ।
यसैगरी नाडा अटो शोमा यामाहाको एफजेड सिरिज, एसोक्स स्कुटरल, एमटी१५ गायतका मोटरसाइकल तथा स्कुटर प्रदर्शनीका लागि राखिएको छ। यामाहाको रे जेड आर र फसिनो स्कुटर नेपाली बजारमा लोकप्रिय छन् भने एफजेड सिरिजका मोटरसाइकल पनि धेरैको रोजाइमा परेका मोटरसाइकल हुन्।
