काठमाडौं- सरकारले दूरसञ्चार सेवा प्रदायक कम्पनी एनसेलले लाइसेन्स नवीकरण शुल्क बापत तिर्नुपर्ने रकम चार किस्तामा बुझाउन सक्ने सुविधा दिएको छ। 

बिहीबार बसेको मन्त्रिपरिषद बैठकले चार किस्तामा शुल्क तिर्ने सुविधा दिनुका साथै पछिल्ला किस्ता तिर्दा १० प्रतिशत ब्याज लिने निर्णय गरेको हो। 

सरकारले एनसेललाई बाँकी १६ अर्ब रुपैयाँमा १० प्रतिशत ब्याज लिनेगरी नवीकरण गर्ने निर्णय गरेकाे हाे।

ब्याज एनसेलाईमात्र लिने वा यसअघि पाँचौँ वर्षमा आएरमात्र २० अर्ब तिरेको नेपाल टेलिकमसँग पनि असुल गर्ने भन्ने यकिन भएको छैन। यसले टेलिकम क्षेत्रमा भार थप्ने छ। 

नेपाल टेलिकमले यसअघि सुरुमा १९ करोड रुपैयाँ तिरेर पाँचौँ वर्षमा आएर एकमुष्ट रकम बिना ब्याज र जरिबाना तिरेको थियो।