काठमाडौं- वैदेशिक रोजगारमा आकर्षक तलबसहित ग्रीस पठाइदिन्छु भन्दै रकम ठगी गर्ने एकजना पक्राउ परेका छन्।
चन्द्रागिरी नैकाप बस्ने रामेछापका ४२ वर्षीय सूर्यबहादुर सुनुवारलाई मंगलबार प्रहरीले पक्राउ गरेको हो।
सूर्यबहादुरले ग्रीस पठाइदिन्छु भन्दै १ जना पीडितबाट २ लाख ६० हजार रूपैयाँ लिइ सम्पर्कविहीन भएको भन्ने पीडितको उजुरीपछि उनलाई प्रहरीले नैकापबाट पक्राउ गरेको हो।
उनलाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल पठाइएको प्रहरीले जनाएको छ।
