काठमाडौं- आजदेखि सुरु भएको नाडा अटो शो २०२४ मा महालक्ष्मी विकास बैंकले पनि सहभागिता जनाएको छ।

नाडा अटोमोबाइल एसोसिएसन अफ नेपालको आयोजनामा भृकुटीमण्डपमा चलिरहेको नाडा अटो शोमा महालक्ष्मी विकास बैंकले गाडी खरिद गर्दा आवश्यक पर्ने कर्जा सम्बन्धमा परामर्श दिने, सहजीकरण तथा समन्वय गर्ने कार्य गर्ने जनाएको छ।

हाल विकास बैंकहरुमा सबैभन्दा सस्तो ब्याजदरमा सवारी कर्जा प्रदान गरिरहेको यस बैंकले ९.९९ प्रतिशतमै सवारी कर्जा प्रदान गर्नेसमेत जानकारी दिइएको छ।

भदौ १६ गतेसम्म चल्ने १६औँ संस्करणको नाडा अटो शोमा महालक्ष्मी विकास बैंकमार्फत सवारी कर्जा लिन चाहने ग्राहकले स्टल नम्बर ई३३ मा गएर सम्पर्क गर्न सक्नेछन्।

महालक्ष्मी विकास बैंकले देशभरका आफ्ना १ सय ३ शाखा कार्यालयमार्फत करिब ८ लाख ग्राहकलाई सेवा दिइरहेको छ।