कैलाली- निरन्तर वर्षाका कारण कैलालीका हुलाकी सडक अवरुद्ध भएका छन्। वर्षापछि बाढीका कारण ठाउँ ठाउँमा सडक भत्किएका छन्।
कैलारी गाउँपालिका-५ पुरानो मनिकापुरस्थित हुलाकी सडक भत्किँदा आवागमन ठप्प भएको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी दिए। निरन्तरको वर्षाका कारण पानिको सतह सडकभन्दा माथि पुगेको छ।
वर्षाका कारण कटैनी नदीमा पानीको बहाव बढ्दा कैलारी गाँउपालिका-५ पुरानो मनिकापुर बस्तीका २४ घर डुबानमा परेका छन्। उनीहरु आफन्तकहाँ बसेका छन। पाँच परिवारलाई स्थानान्त्रण गरी वडा नं ५ को कार्यालयमा राखिएको छ।
गौरीगंगा नगरपालिमा पनि केही घर डुबानमा परेका छन्। गौरीगंगा-७ का महादेवा, कम्दा, भगवानपुर र वडा नं-९ शंकरपुरका केही घर डुबानमा परेका सूचना अधिकारी जोशीले बताए। रासस
