काठमाडौं- सन् २०२१ मा कैलाश हेलिकप्टर दोस्रो स्थानमा उक्लिएको छ। 

नेपाल नागरिक उड्डयन प्राधिकरण त्रिभुवन अन्तर्राष्ट्रिय विमानस्थलको तथ्यांक अनुसार कैलाश धेरै उडान गर्ने हेलिकप्टर कम्पनीको सूचीमा दोस्रो स्थानमा रहेको छ। 

यो सूचीमा पहिलो नम्बरमा सिम्रिक एयर छ। सिम्रिकले सन् २०२१ मा सबैभन्दा धेरै २ हजार ६६ उडान गरेको छ। 

त्यस्तै दोस्रो स्थानमा रहेको कैलाशले १ हजार ८२१ उडान गरेको छ। कैलाशपछि मनाङ, अल्टिच्युड एयर छन्। 

यात्रु तथा उडान संख्यामा सिम्रिक पहिलो स्ठानमा छ। दोस्रो स्थानमा रहेको कैशाल यात्रु संख्याको आधारमा भने चौथो स्थानमा छ। सिम्रिकपछि सबैभन्दा धेरै यात्रु मनाङ एयरले बोकेको छ। मनाङपछि धेरै यात्र बोक्नेमा अल्टिच्युड एयर रहेका छन्। 

हेलिकप्टरको यात्रु भन्दा पनि उडान संख्याको आधारमा व्यापार हुने भएकाले उडान संख्यालाई आधार बनाउने गरिन्छ।