काठमाडौं- सरकारले पूर्वराष्ट्रपति रामवरण यादवलाई आर्थिक सहयोग दिन रकम निकासी गरेको छ। गृह मन्त्रालयमार्फत पूर्वराष्ट्रपतिका लागि १० लाख रूपैयाँ आर्थिक सहयोगका लागि रकम निकासी भएको छ।
यसैगरी बागमती प्रदेश सरकारका प्रमुख यादवचन्द्र शर्माको उपचार खर्चका लागि १ लाख २९ हजार रुपैयाँ आर्थिक सहयोग गरेको हो। यसैगरी पूर्वमन्त्री प्रदीप नेपालसहित तीन जनालाई पनि सरकारले ३२ लाख रुपैयाँ आर्थिक सहयोग गरेको छ।
माओवादी पूर्वलडाकुलगायत घाइते तथा अपाङ्गता भएका व्यक्तिहरूलाई निर्वाह भत्ता
सरकारले माओवादी पूर्वलडाकुलगायत घाइते तथा अपाङ्गता भएका व्यक्तिहरूलाई निर्वाह भत्ताका लागि साढे ४ करोड रुपैयाँभन्दा बढी रकम निकासी गरेको छ।
गृह मन्त्रालयमामार्फत माओवादी पूर्वलडाकुलगायत घाइते तथा अपाङ्गता भएकाका लागि आर्थिक सहयोगमा सरकारले ४ करोड ६१ लाख १६ हजार रुपैयाँ निकासी गरेको हो।
