पर्सा- पर्सा प्रहरीले वीरगञ्जबाट २ लाख १९ हजार भारुसहित एक भारतीयलाई पक्राउ गरेको छ।
वीरगञ्ज महानगरपालिका १६ रजत जयन्ती चोकबाट भारतीय रुपैयाँ ५ सयको ४ सय ३८ वटा नोटसहित भारतको मोतिहारी घोडासहन बस्ने २९ वर्षीय अनिल कुमारलाई मंगलबार नियन्त्रणमा लिइएको प्रहरीले जनाएको छ।
प्रहरी चौकी इनर्वाबाट नियमित चेकिङका क्रममा खटिएको प्रहरी टोलीले शंकास्पद देखिएपछि खानतलासी गर्दा अनिलको साथबाट नेपालमा प्रतिबन्धित भारतीय नोट बरामद गरेको थियो।
बरामद भएको नोटसहित अनिललाई जिल्ला प्रहरी कार्यालयको हिरासतमा राखी थप अनुसन्धान सुरु गरिएको जिल्ला प्रहरी कार्यालय पर्साका प्रवक्ता डिएसपी दिपक भारतीले जानकारी दिए।
