काठमाडौं- अमेरिकी कम्पनी एप्पलले अर्को एक कोशेढुङगा पार गरेको छ। आइफोन निर्माता कम्पनी एप्पल ३० खर्ब अमेरिकी डलरको कम्पनी बनेको छ। ३० खर्ब डलरको मूल्यवान हुने एप्पल संसारकै एकमात्र सार्वजनिक कम्पनी हो। 

सोमबार कम्पनीको सेयर मूल्य ३ प्रतिशत बढेको थियो। यो वृद्धिसँगै कम्पनी संसारकै मूल्यवान बनेको हो। 

एप्पलको बजार मूल्य सन् अगस्ट २०१८ मा पहिलोपटक १० खर्ब डलर पुगेको थियो।  अगस्ट २०२० मा २० खर्ब पुगेको थियो। सन् २०२२ को सुरुवातमै ३० खर्ब डलरको मूल्याकंन पुगेको हो। 

सन् २०२१ मा मात्र एप्पलको सेयर मूल्य २१ प्रतिशतले बढेको थियो। कम्पनीले आइफोन १३ मोडल सार्वजनिक गरेपछि मूल्यांकन अझै बढेको थियो। स्मार्टफोनसँगै टीभी क्लाउड जस्ता सेवा पनि रुचाइएका छन्। 

१० खर्ब भन्दा माथिको मूल्याकंन भएका अरु कम्पनी पनि अमेरिकाकै  छन्। त्यसमा पनि प्रविधिमा आधारित व्यवसाय गर्ने कम्पनीहरू धेरै छन्। माइक्रोसफ्टको २५ खर्ब, अल्फाबेट(गुगल) को २० खर्ब, अमेजनको १७ खर्ब र टेस्लाको १२ खर्ब बजार मूल्यांकन रहेको छ।