.gif)
हेटौँडा- मकवानपुरको बकैयामा काठमाडौं-निजगढ द्रुतमार्गको सुरुङमा काम गर्ने क्रममा ढुंगा लागेर एक मजदूरको मृत्यु भएको छ भने एक जना गम्भीर घाइते भएका छन्।
35(1).gif)
बुधबार दिउँसो मकवानपुरको बकैया-१२ स्थित चालिसेडाँडामा काम गर्ने क्रममा ढुंगा लागेर बारा निजगढका अन्दाजी २७ वर्षका विमल थिङको ज्यान गएको र उनीसँगै काम गर्ने तनहुँका अन्दाजी २८ वर्षका राजु विक गम्भीर घाइते भएको प्रहरीले जनाएको छ।
थिङको घटनास्थलमै ज्यान गएको थियो। गम्भीर घाइते विकको हेटौँडा-११ मा रहेको सिएमसी चुरेहिल अस्पतालमा उपचार भइरहेको मकवानपुर प्रहरी प्रमुख सीताराम रिजालले जानकारी दिए। रासस
