काठमाडौं- माइक्रोसफ्टको सर्भर डाउन हुँदा संसारभरको अनलाइन गतिविधि प्रभावित भएको छ। माइक्रोसफ्टको एज्योर क्लाउड र माइक्रोसफ्ट ३६५ सेवा मा खराबी आउँदा संसाभरको कम्प्युटर गतिविधि प्रभावित भएको हो। 

कम्प्युटिङ र क्लाउड सेवामा संसाभर अधिपत्य राख्ने माइक्रोसफ्टको सेवा प्रभावित भएपछि संसारभका ठूला उद्योग प्रभावित भएका छन्। 

एयलाइन्स, सुपरमार्केट, टेलिभिजन, टेलिकम, बैंकिङ सेवा प्रभावित भएको छ। बेलायतमा स्काइ टेलिभिजनको प्रसारण प्रभावित भएको छ भने अष्ट्रेलियमा एउटा टेलिकम प्रभावित भएको छ। 

त्यस्तै संसारभरका कयौं एयरलाइन्सको बुकिङमा समस्या आएको छ भने विमानस्थल सेवाको सर्भरमा समस्या आउँदा उडानहरू डिले भएका छन्। 

कतिपय अत्यावश्यक मानिने सेवा पनि यसबाट प्रभावित भएका छन्। माइक्रोसफ्टले यो समस्याको पहिचान गरिएको र समाधानका लागि प्रयास भइरहेको जानकारी दिएको छ।