काठमाडौं- द्वारिकाज होटेलकी संस्थापिका तथा नेपाली पर्यटन क्षेत्रकी अग्रणी व्यक्तित्व अम्बिका श्रेष्ठको असामयिक निधनप्रति होटल संघ नेपालले गहिरो दुःख प्रकट गर्दै स्वर्गिय श्रेष्ठप्रति श्रद्धाञ्जली अर्पण गर्नुका साथै शोकाकुल परिवारजनमा समवेदना व्यक्त गरेको छ।
नेपाली कला, संस्कृतिलाई सम्वर्द्धन गर्दै व्यावसायिक रुपमा सफल एवं सुविधा सम्पन्न तारे होटेल रिसोर्टहरुको सञ्चालन गर्ने स्वर्गीय श्रेष्ठले प्रारम्भ गरेको महिला उद्यमशिलताको विकास स्वदेशमा मात्र नभइ विदेशमा समेत प्रसंशित छ। उनी र उनको परिवारबाट प्रवर्द्धित हेरिटेज होटेल तथा रिसोर्टहरुले नेपालको चिनारी अन्तर्राष्ट्रिय जगतमा उल्लेखनीय रुपमा रहेको छ।
नेपालको पर्यटन प्रवर्द्धनमा सधैँ सक्रिय रही सम्बन्धित विभिन्न संघ संगठनहरुमा प्रभावकारी नेतृत्व प्रदान गर्ने स्वर्गिय श्रेष्ठको निधनबाट देशले पर्यटन विकासको सच्चा अभियन्ता गुमाएको होटल संघ नेपालले जनाएको छ।
