.jpg)
.jpg)
.gif)
.gif)
काठमाडौं- सार्वजनिक खरिद अनुगमन कार्यालयले विभिन्न चारवटा ठेक्कामा समयमै काम नगर्ने निर्माण कम्पनीलाई कालोसूचीमा राखेको छ। कार्यालयले बुधबार सूचना जारी गर्दै ती निर्माण कम्पनीहरुलाई कालोसूचीमा राखेको हो।
संघीय सडक सुपरीवेक्षण तथा अनुगमन कार्यालय सुर्खेतको सिफारिसमा बीएस भैरवशक्ति निर्माण सेवा जेभी, सोही कार्यालयको सिफारिसमा अर्को ठेक्कामा काम नगर्ने बीएस कन्स्ट्रक्सन, नेपाल विद्युत प्राधिकरणको सिफारिसमा भारतीय निर्माण कम्पनी भातिन्दा सेरामिक्स प्रालि र गुराँस गाउँपालिकाको सिफारिसमा मस्टा जेबीडी कन्स्ट्रक्सन एन्ड इन्जिनियरिङ प्रालिलाई कालोसूचीमा राखिएको हो।
.gif)
कार्यालयले यी कम्पनीहरुलाई १ वर्ष ६ महिनादेखि २ वर्षसम्मका लागि कालोसूचीमा राखेको छ। कालोसूची अवधिभर यी निर्माण कम्पनीहरूले कुनै पनि सरकारी ठेक्कामा सहभागी हुन पाउँदैनन्।
.gif)
.jpg)
साउन १ गतेको निर्णयअनुसार कार्यालयले सार्वजनिक खरिद ऐन २०६३ को दफा ६३ को उपदफा १ बमोजिम कालोसूचीमा राख्ने प्रयोजनका लागि सूचना जारी गरेको हो।
