काठमाडौं- नेपाल आयल निगमले पेट्रोलियम पदार्थको मूल्य बढाएको छ । भारतबाट मूल्य बढेर आएकाले मूल्य समायोजन गरिएको निगमले जनाएको छ।

सोमबारको निगम सञ्चालन समितिको बैठकले नेपाली बजारमा पनि पेट्रोलियम पदार्थको मूल्य बढाउने निर्णय गरेको हो।

जसअनुसार अब पेट्रोलको मूल्य प्रतिलिटर ४ रुपैयाँ र डिजेल र मट्टितेलमा प्रतिलिटर ३ रुपैयाँका दरले मूल्य बढेको छ। बढेको मूल्य मंगलबारदेखि लागु हुनेछ।

निगमका अनुसार मूल्य वृद्धि भएपछि काठमाडौंमा अब पेट्रोलको मूल्य प्रतिलिटर १ सय ७१ रुपैयाँ पुगेको छ भने डिजेल र मट्टितेलको मूल्य १ सय ६० रुपैयाँ पुगेको छ।

निगमले एलपी ग्यास र हवाइ इन्धनको मूल्य भने यथावत रहेको जनाएको छ।