काठमाडौं- इन्डोनेसियाले यही महिनादेखि थर्मल कोइला निर्यातमा रोक लगाउने भएको छ। 

घरेलु ऊर्जाका लागि सञ्चालित थर्मल प्लान्टका लागि कोइला अभाव भएकाले तत्काल कोइला निर्यातमा रोक लगाउने निष्कर्षमा इन्डोनेसियाको सरकार पुगेको समाचार संस्था रोयटर्सले उल्लेख गरेको छ। 

इन्डोनेसिया संसारमा धेरै कोइला निर्यात गर्ने देश हो। वार्षिक ४० करोड टन कोइला निर्यात गर्दै आएको इन्डोनेसियाको मुख्य ग्राहक भारत, चीन, जापान र दक्षिण कोरिया हुन्। 

देशभित्रै उर्जा उत्पादन माग अनुसार नहुँदा चरम संकट आउन थालेको भन्दै सरकारले निर्यातमा रोक लगाउने निर्णय गरेपछि आयात गर्ने देशको उर्जा उत्पादन प्रभावित हुनसक्ने छ। 

थर्मल उर्जा उत्पादन गर्दै आएका अधिकांश देशमा पछिल्लो समय कोइला आयात अत्याधिक बढेको छ।