काठमाडौं- गोरखाको चुमनुव्री गाउँपालिकामा निर्माण हुने चुमचेत ४५ मेगावाट क्षमताको जलविद्युत आयोजनको वातावणणीय प्रभाव मूल्यांकन राय सुझावका लागि सार्वजनिक भएको छ।
वन तथा वातावरण मन्त्रालयले आयोजनाको रिपोर्ट राय सुझावका लागि सार्वजिनक गरेको हो।
सार्वजनिक रिपोर्टमा आयोजनाको लागत ९ अर्ब १५ करोड रुपैयाँ अनुमान गरिएको छ। आयोजना गण्डकी प्रदेश गोरखाको जिल्लाको चुमनुव्री गाउँपालिकामा अवस्थित रहेको छ।
आयोजनाको प्रस्तावक चिलिमे जलविद्युत कम्पनी लिमिटेड रहेको छ। आयोजना समुद्री सतहबाट १६४३.२० मिटरदेखि २०५७.४३ मिटर सम्मको उचाइको बीचमा अवस्थित रहेको छ।
आयोजनाबाट कुल ६ घरपरिवाका २० जना सदस्या प्रत्यक्ष रुपमा प्रभावित हुने रिपोर्टमा उल्लेख छ।
आयोजनाको कुल वार्षिक उर्जा उत्पादन क्षमता २५३.१०२ गिगावाट आवर रहेको छ। सुक्खा मौसमको वार्षिक उर्जा क्षमता ७५.९६१ गिगावाट आवर क्षमता रहेको छ।
यसैगरी वर्षा मौसमको वार्षिक उर्जा १७७.१४१ गिगावाट रहेको वातावरणीय प्रभाव मूल्यांकन प्रतिवेदनमा उल्लेख छ।
आयोजनाको कुल लागत ९ अर्ब १५ करोड ३९ लाख ५५ हजार ९ सय १६ रुपैयाँ र निर्माण अवधि ४ वर्ष लाग्ने रिपोर्टमा उल्लेख छ।
